ps4

Неодамна Sony ја претстави својата најнова конзола PlayStation 4. Конзолата ќе биде пуштена во продажба во средината на Ноември и најпрво ќе биде достапна на северно-американсиот пазар, а набрзо потоа во Европа и останатите делови од светот. Цената за американскиот пазар ќе биде 399$, додека во Европа ќе се продава за 399€.

ps41

PlayStation 4 во себе ќе содржи 8-јадрен AMD процесор базиран на “Jaguar” архитектурата, оптимизирана за ниска потрошувачка. Во процесорот ќе биде вклучен и AMD Radeon графички чип базиран на GCN (Graphics Core Next) архитектурата. Централниот и графичкиот процесор ќе делат 8GB GDDR5 меморија со максимален капацитет од 176GB/s. Во конзолата ќе биде сместен и Hard Disk со капацитет од 500GB кој ќе може лесно да се замени. Од оптички уреди ќе има DVD/Blu-ray читач кој ќе поддржува приказ на 4К резолуција. Останатите спецификации вклучуваат две USB 3.0 порти; AUX, HDMI и S/PDIF конектори; Bluetooth 2.1; IEEE 802.11 b/g/n Wi-Fi адаптер; и Ethernet (10BASE-T, 100BASE-TX, 1000BASE-T) трансивер.

ps42

Конзолата ќе биде управувана од DualShock 4 контролерот. Дизајнот на новиот контролер е сличен со неговиот претходник, меѓутоа доаѓа со неколку интересни новитети. Во горниот преден дел од контролерот е интегриран Touch Pad, иновативно решение кое отвора нови можности за интеракција со игрите. На врвот од контролерот е поставен LED индикатор со можност за приказ на четири бои, а лево од Touch Pad-от се наоѓа SHARE копче со кое можете инстантно да ги споделувате вашите достигнувања и gameplay видеа. Во долниот дел од контролерот се сместени micro USB порта, конектор за слушалки и mono звучник.

PlayStation 4 ќе работи на оперативниот систем наречен “Orbis OS”, кој ќе ги учи и притоа ќе се прилагодува на ваште навики. Корисниците ќе имаат можност на своите профили да споделуваат најразлични содржини со пријателите, како и да добиваат препораки и информации за своите омилени игри, филмови и серии. Исто така, корисниците ќе имаат пристап до streaming сервиси за музички и видео содржини.

Игрите за PlayStation 4 нема да бидат заклучени по региони и истите ќе може да се продаваат, менуваат или позајмуваат на други корисници. Освен како физички копии, игрите ќе бидат достапни и online како дигитални копии, а пред да се купат сите игри ќе може прво бесплатно да се пробаат. Екслузивните изданија за PlayStation 4 вклучуваат наслови како Killzone: Shadow Fall, The Order: 1886, Infamous: Second Son, Driveclub, Deep Down, Shadow of the Beast и многу други.

Претходна статијаКако да вратите избришани фајлови од вашиот Hard Disk
Следна статијаПрипрема на USB за инсталација на Windows