Како што најавија повеќето ИТ портали од САД, Facebook денес ја претстави нивната нова апликација Facebook Gaming. Оваа апликација иако има игри кои корисниците можат да ги играат, пред се е замислена како апликација преку која ќе се гледаат „стриминзи“ од други корисници кои играат игри.
Ова сигурно ви звучи познато, а корисниците веќе го користат YouTube за вакви видеа, како и познатата платформа Twitch. Facebook Gaming може да се гледа како конкуренција на овие платформи, посебно наменета за мобилните игри.
Преку Facebook Gaming корисниците можат и да разговараат помеѓу себе, а изборот на достапни игри исто така е голем.
За почеток оваа апликација е достапна само на Android, а се планира наскоро пуштање и на iOS. Можете да ја симнете преку овој линк.