Twitter пред две недели објави дека ќе почне да ги означува твитовите кои содржат неточни или лажни информации. Ознаките ќе бидат во две форми, односно линк кој води до страна со други информации кои треба да ги побијат објавените, како и ознака предупредување која треба да се притисне за воопшто да може да се види твитот.
По долго време критики од страна на одредени групи, Twitter ќе почне да ги проверува и твитовите на Доналд Трамп, нешто што досега не го правеше. Доналд Трамп е познат по користењето на Twitter како начин на комуникација, а голем дел од неговите твитови привлекуваат посебно внимание.
За првпат Twitter означи два „твита“ од Трамп со линк кој води до статии кои треба да го „побијат“ тврдењето. Ова секако предизвика критики од негова страна и од неговите поддржувачи, а се смета и како интересно што од Twitter на овој чекор се одлучуваат во изборна година. Зависно од која страна се наоѓа тој што коментира, оваа одлука е да се намали влијанието на Трамп пред изборите кон крајот на годината, односно конечно реагирање на огромниот број на погрешни и лажни објави од претседателот.
Објавата која е означена како погрешна е поврзана со тврдењето на Доналд Трамп дека ако се гласа преку пошта, како што се планира во одредени сојузни држави во САД, изборите би биле наместени, односно ќе се отвори простор за големи злоупотреби на гласачкото ливче.
Одговор преку Twitter за одлуката на мрежата секако има Трамп, а еве ја неговата објава.
.@Twitter is now interfering in the 2020 Presidential Election. They are saying my statement on Mail-In Ballots, which will lead to massive corruption and fraud, is incorrect, based on fact-checking by Fake News CNN and the Amazon Washington Post….
— Donald J. Trump (@realDonaldTrump) May 26, 2020
