Twitter изгледа сака нивните директни пораки почесто да се користат, односно тие што веќе ги користат да имаат најдобро што е можно корисничко искуство. Сепак, апликациите за комуникација се многу популарни кај корисниците, па тие коишто имаат потреба да комуницираат преку Twitter, не е лошо да имаат функции кои се веќе стандардни кај специјализираните вакви сервиси како Facebook Messenger, Viber, WhatsApp и слични.
Од минатата недела, Twitter директните пораки добиваат три новини кои треба да го направат овој сервис многу покорисен, а и посличен со останатите.
Корисниците сега ќе имаат можност да видат дали другата страна ја има прочитано нивната порака, а оваа функција сепак ќе може да биде исклучена преку прилагодувањата за тие коишто не сакаат да ја даваат таа информација.
Покрај ова, во директните пораки сега ќе може да се види кога другата страна пишува, па корисникот да знае дали може веднаш да очекува одговор и да не чека без потреба.
Исто така, линковите кои што се пуштаат во пораките, ќе го вклучуваат насловот и сликата од страната каде што носи линкот. Ова е нешто што исто така одреден период е достапно кај другите сервиси и значително го подобрува корисничкото искуство. Корисниците можат добро да видат за што се работи пред да кликнат на линкот, па доколку не ги интересира да не го отвораат, барем не веднаш.
New! Direct Messages are more dynamic than ever with read receipts, typing indicators, and web link previews. pic.twitter.com/VEU92V5Gqj
— Twitter (@twitter) September 8, 2016
Извор: TNW