По додавањето на нов стикер во Stories со кој на сите корисници им се овозможи да додаваат линкови, сега од мрежата пуштија уште еден стикер кој овозможува целосно нов начин на интеракција на корисниците.
„Add Yours“ е стикер кој корисниците можат да го додадат на нивните Stories, со што ги покануваат и останатите корисници да објават свое Story. Истото ќе можат да го направат со притискање на самиот стикер, со што објавената „приказна“ ќе стане дел од оваа јавна серија.
Со додавање на Stories со притискање на овој стикер, на секоја од овие „приказни“ ќе може да се види листата од корисници кои се приклучиле на серијата. Ова може да се каже дека е и уште еден начин за откривање на нови корисници.
Како и обично, Instagram ваквите новини ги промовира повеќе како новини наменети за помладите корисници, а тоа се гледа и од сликите кои ги користат во самата најава.
