Facebook во САД започна со тест каде ги прашува корисниците дали сметаат дека нивните пријатели стануваат дел од некои екстремистички организации. Прашањата кои им ги поставуваат од мрежата вклучуваат прашања како „Дали сте загрижени дека некој кој го познавате станува екстремист?“.
Од компанијата потоа ги пренасочуваат корисниците кон веб страни за поддршка во вакви ситуации и истакнуваат дека „насилни групи може да ја манипулираат нивната лутина и разочараност“.
Ваквите прашања и предупредувања веќе не се однесуваат само на екстремистички групи кои обично доаѓаа од истокот. Во САД изминатите година како екстремистички групи се сметаат и неколку групи поврзани со поранешниот претседател Трамп, а вниманието кон нив најмногу се насочи после насилните протести пред Конгресот во јануари.
Facebook со години се критикувани и обвинувани дека не преземаат доволно за да се намали влијанието на екстремистичките групи на оваа мрежа, а од компанијата почнаа повеќе да преземаат после случувањата во јануари.
Во оваа фаза ваквите прашања и предупредувања уште се тестираат, па не се знае дали од компанијата ќе почнат стандардно да ги прикажуваат на корисниците и во остатокот од светот.
