Скопје, 5 август 2024: Wizz Air е возбудена што може да го објави лансирањето на апликацијата Wizz Air на AppGallery, официјалната платформа за апликации на Huawei. Со ова лансирање, корисниците на Huawei уреди сега можат без напор да резервираат летови, да управуваат со резервации и да ги најдат најдобрите понуди за патување низ Европа и пошироко.
Апликацијата Wizz Air нуди лесна платформа за корисниците, дизајнирана да го подобри патничкото искуство за патниците. Со функции како лесна резервација на летот, пријавување преку мобилен телефон и ажурирања на статусот на летот во реално време, апликацијата обезбедува непречено патување за сите патници.
Според најновите податоци на компанијата, Wizz Air со задоволство забележува дека најголем процент на сообраќај доаѓа од нејзината мобилна апликација. Всушност, 66% од сите корисници претпочитаат да ги проверуваат опциите за летови преку мобилната апликација. Ова совршено се усогласува со целта на компанијата да им олесни на патниците да ги пребаруваат зделките на Wizz Air каде и да се наоѓаат.
Лансирањето на апликацијата Wizz Air на Huawei AppGallery ја зајакнува посветеноста на Wizz Air за подобрување на искуството на патниците преку континуиран развој на дигитални понуди на производите.
Сега, достапна на Huawei AppGallery, нуди низа практични функции прилагодени да го подобрат искуството за патување. Корисниците на Huawei можат лесно да пребаруваат и да резервираат летови со поволни цени до над 200 дестинации, благодарение на интуитивниот интерфејс на апликацијата и алатката за пронаоѓање билети, што им помага да ги обезбедат најниските достапни цени.
Апликацијата обезбедува сеопфатна платформа за управување со патувања, овозможувајќи им на корисниците да добиваат известувања за понуди на летови, да скенираат документи за побрзо резервирање и пријавување, како и пристап до картите и онлајн и офлајн.
Дополнително, корисниците можат да го организираат целиот свој одмор преку апликацијата, вклучувајќи и резервации на хотели, трансфер од и до аеродром и купување дополнителни услуги за на аеродромот, како што се “Fast Track” за качување и пристап до аеродромски салони. Исто така, нуди бенефиции како што се заштеда до 5% од хотелските резервации и за изнајмување автомобили како кредит на WIZZ и пристап до WIZZ Discount Club за дополнителни намалувања на билетите.
За дополнителна удобност, апликацијата поддржува речиси 20 јазици, што ја прави достапна за широк опсег на корисници. Со сите овие карактеристики, сопствениците на уреди Huawei можат да уживаат во беспрекорно и ефикасно искуство за планирање патување.
Преземете ја апликацијата Wizz Air денес и контролирајте го вашето патување со само неколку допири.
Remus Moraru, Раководител на е-трговија во Wizz Air, изјави: „Возбудени сме да го прошириме нашето дигитално присуство со лансирањето на Wizz Air апликацијата на Huawei AppGallery. Сега, корисниците на Huawei можат лесно да пристапат до широк спектар на практични функции, од беспрекорни резервации за летови до ажурирања во реално време и ексклузивни попусти. Овој чекор не само што го проширува нашиот досег, туку и го подобрува патничкото искуство за нашите корисници, усогласувајќи се со нашата посветеност да обезбедиме ефикасна и прифатлива дигитална платформа. Посебно сме возбудени што ќе им посакаме добредојде на корисниците на Huawei во нашиот дигитален екосистем, нудејќи им ги истите непречени и сеопфатни алатки за управување со патувања во кои уживаат нашите постоечки клиенти.”
„Летниот период е едно од омилените годишни времиња за нашите корисници да откриваат нови места. Затоа сме воодушевени да и посакаме добредојде на Wizz Air апликацијатата во AppGallery“, изјави Jaime Gonzalo Потпретседател за потрошувачки мобилни услуги (HMS) на Huawei за Европа. „Оваа соработка е доказ за нашата постојана посветеност да им обезбедиме на сите обожаватели на патувања во AppGallery разновидна палета на висококвалитетни апликации кои го подобруваат нивниот секојдневен живот. Со додавањето на Wizz Air, нашите корисници сега можат да уживаат во полесно и поефикасно искуство на патување директно од нивните уреди Huawei.”
