Qualcomm најмногу познати по нивните Snapdragon чипови, сепак работат на развој и на апликации за Android оперативниот систем. Во Play Store веќе е достапна Snapdragon BatteryGuru апликацијата чија што намена е да ви помогне да го продолжите траењето на вашата батерија.
Сега Qualcomm ја претстави Snapdragon Glance, апликација која што го заменува стандардниот lockscreen на вашиот Android телефон. Апликацијата сеуште во бета е едноставна и целта и е да повеќето ваши активности ги завршите преку lock екранот без потреба од отклучување на телефонот. Snapdragon Glance ја отворате секогаш кога ќе го притиснете копчето за отклучување на екранот на телефонот. На него се прикажани часот, временската прогноза, закажаните состаноци, email пораки и други нотификации, како и најчесто користените апликации и контакти. Овој дел покрај тоа што автоматски ги прикажува апликациите и контактите, имате можност сами да изберете кои од нив да ги прикажува.
За да работи оваа апликација мора да ја имате инсталирано и BatteryGuru поради информациите за користењето на апликациите од која што ги добива. Snapdragon Glance работи само на уреди кои што работат на некој од Snapdragon процесорите, а исто така достапна е само за мобилните телефони кои работат на Android 4.3 и понови.
Qualcomm Snapdragon Glance beta е достапна во Play Store и можете да ја симнете преку следниот линк.
