Како што веќе ни е познато, Microsoft работи на нова Outlook апликација која треба да ги обедини сега неколку достапните верзии од истата. Поточно, веб верзијата на outlook.com, Outlook верзијата која доаѓа со Office апликациите, како и Mail апликацијата која доаѓа со Windows, во иднина треба да бидат заменети со новата апликација.
Оваа нова апликација најмногу наликува на веб верзијата, а истата е направена на таа основа, која веќе и изгледа најмодерно.
Microsoft почна со тестирање на новиот Outlook, конечно после долго време на шпекулации, во мај оваа година, а од минатиот месец истата можат да ја пробаат сите корисници, вклучувајќи ги и тие кои користат приватни сметки.
Сега апликацијата е достапна и во Microsoft Store, па корисниците не мора да го инсталираат Office пакетот и да се приклучуваат во Office Insider програмата за да можат да ја вклучат новата верзија.
Outlook for Windows во Microsoft Store може да се симне преку овој линк, а уште едно од најголемите ограничувања кои остануваат е неможноста да се поврзат повеќе сметки, но тоа треба наскоро да биде овозможено.
