Во последната надградба на Windows 10, Microsoft автоматски ја инсталираше новата апликација Outlook, заменувајќи ги претходните Mail и Calendar апликации. Оваа промена предизвика незадоволство кај корисниците поради неколку причини.
Прво, многумина забележаа дека новата Outlook апликација работи побавно во споредба со старата Mail апликација. Дополнително, новата верзија ги складира електронските пораки во облакот, што предизвикува загриженост кај корисниците кои се фокусирани на приватноста. Покрај тоа, интеграцијата на реклами во апликацијата е уште еден фактор што придонесе за негативните реакции.
Како одговор на ова, некои корисници развија алатки за блокирање на автоматската инсталација на новата Outlook апликација. Сепак, според информациите, овие алатки нема да можат да им помогнат на корисниците, односно промената ќе мора да се направи.
Со оглед дека оваа промена се прави и на Windows 11, најдоброто решение за повеќето корисници е да изберат некоја друга апликација за имејл, како што е новата и редизајнирана Thunderbird.
