По воведувањето на можноста за разговори помеѓу корисниците на Facebook и Instagram преку Messenger и Instagram, од компанијата сега ја продолжуваат најавената интеграција на нивните сервиси со можност за правење на групни разговори помеѓу овие две мрежи.
Корисниците сега ќе можат да започнат групни разговори, а во нив учесници да бидат корисниците од Facebook Messenger и Instagram. Функциите кои досега им беа достапни на корисниците на Messenger ќе може да се користат во овие групни разговори, како можноста за менување на темите, а сега ќе стане достапна и можноста за правење на анкети. Анкетите доаѓаат и кај разговорите преку Instagram.
За да можат да ја користат оваа новина, корисниците ќе мора да ги имаат поврзано своите две сметки, нешто што беше потребно и за комбинацијата на разговорите од минатата година.
Покрај оваа новина, Facebook најави дека корисниците на Messenger ќе добијат нова можност за точно гледање кој пишува во групните разговори, а тука се и новите можности за менување на изгледот.