Порано Mozilla Thunderbird, сега само Thunderbird, останува еден од најпознатите имејл клиенти, а посебно за корисниците на Linux. Оваа апликација со отворен код е одлична алтернатива на Outlook кој не може бесплатно да се користи, а и не е достапен на сите платформи.
Thunerbird како имејл клиент ги нуди сите потребни функции за да се смета за сериозна апликација, но една работа остана непроменета со години, а тоа е изгледот на корисничкиот интерфејс.
Моменталниот кориснички интерфејс е освежен неколку пати, но сепак е далеку од модерните трендови. На Linux посебно, достапни се одлични алтернативи со модерен дизајн, па Thunderbird е време да поработи малку на тој дел.
Од организацијата која стои зад развојот на Thunderbird преку Twitter најавија дека апликацијата ќе добие поголем редизајн, а објавија и слика за да видиме што да очекуваме.
Може слободно да се каже дека редизајнот изглед одлично и сигурно ќе направи да некои од старите корисници на Thunderbird повторно му дадат шанса и почнат да го користат.
Од сликата може да се види сега популарниот стил на поставување на различните делови од апликацијата вертикално на левата страна, а променет е и стилот на остатокот од апликацијата.
Не е точно познато кога може да се очекува овој нов изглед, но треба да се очекува некаде отприлика идната година после верзијата 110.
