Raspberry ја претстави четвртата верзија од нивниот познат Raspberry Pi мини компјутер. Овој компјутер е познат по тоа што чини само 35 долари, за основната верзија, а беше одличен начин за „аматерите“, па и професионалците, да ги реализираат своите проекти за паметен дом, на пример, програмирање и слично.
Raspberry Pi 4 доаѓа со доволно подобрени компоненти, што тој веќе се истакнува дека може да се користи како помала и поевтина алтернатива за десктоп компјутер. Овој нов уред може да се користи слободно за сурфање, работење во Office програми, како и за гледање на видео содржина.
Новите и подобрени компоненти го прават одличен за корисниците кои сакаат нешто повеќе од својот уред, а тој сепак останува одличен за неговата главна намена.
Сега, Raspberry Pi 4 може да се земе со до 4 GB RAM меморија, доаѓа со процесор кој може да работи со 1,5 GHz, има USB Type-C порти, две micro HDMI порти кои поддржуваат 4K содржина и повеќе.
Иако некои тестирања покажуваат дека овој уред сепак има одредени проблеми кога треба да пушта видео содржина на цел екран, сепак тој се промовира и како уред кој може да се користи за гледање на видео содржина.
Цената на Raspberry Pi 4 останува 35 долари, за основната верзија, а зависно од компонентите, како и додатоците, истата расте, но сепак е пониска од било кој друг десктоп компјутер.