Steve Jobs Archive, организацијата создадена во 2022 година и зад која стојат пријатели на Џобс, како и неговата поранешна жена, ја објави книгата со наслов „Make Something Wonderful: Steve Jobs in his own words“.
Се работи за е-книга која е достапна бесплатно и до неа може да се дојде на неколу начини. Достапна е како датотека која може да се симне и да се чита преку омилената апликација за книги, а достапна е и преку Apple Books, иако изгледа не во сите земји.
Покрај на овој начин, книгата може да се чита и директно преку страната на организацијата, а оваа посебна страна е дизајнирана од Џони Ајв и неговата LoveFrom компанија. Од оваа компанија имаат направено и посебен фонт специјално за книгата.
„Make Something Wonderful: Steve Jobs in his own words“ е направена како една збирка од интервјуата, говорите, имејл пораките и слично кои ги има направено Стив Џобс.
Како што истакнува поранешната жена на Стив, Лорин Пауел Џобс, која ја започнува книгата:
„Најдобар начин да се разбере една личност е директно да ја слушате таа личност. А најдобриот начин да го разберете Стив е да слушате што има кажано и што има напишано во текот на неговиот живот. Неговите зборови – во говори, интервјуа и е-пошта – нудат прозорец за тоа како има размислувано. И тој беше извонреден мислител“.
Книгата можете да ја читате онлајн на овој линк, а доколку сакате да ја симнете, тоа можете преку овој линк.
