Линда Јакарино е новиот извршен директор на Twitter. Најавата за изборот на Маск за негова замена, нешто што го најави минатата година по пуштањето на анкета, беше објавена минатиот месец.
Од оваа недела, поточно од вчера, Линда Јакарино и официјално ја презеде функцијата и ќе има задача да ја организира работата на компанијата која веќе не е каква што беше пред само една година.
Како што беше најавено, Јакарино ќе ги преземе секојдневните обврски кои доаѓаат со нејзината позиција, а Елон Маск ќе остане во компанијата и ќе продолжи да се „занимава“ со технологијата зад Twitter, а ќе биде и извршен претседател на одборот на директори.
Јакарино испрати имејл до вработените, кој е објавен и на Twitter, каде таа ги дава своите мислења и планови за почетокот на нејзината позиција.
Таа почнува со истакнување дека Маск знаел дека на истражувањето на вселената и електричните возила им требало трансформација, па тоа и го направил. Исто така станува јасно дека трансформација е потребна и на „глобалниот плоштад“, кој треба да ја бутка цивилизацијата напред преку нефилтрирана размена на информации и отворен дијалог за работите кои ни се најважни.
Таа го споменува и терминот кој го искористи Маск минатата година за иднината на Twitter, односно Twitter 2.0, а како главна цел се истакнува мисијата да се стане најточниот извор на информации во вистинско време во светот.
Целото „писмо“ можете да го прочитате во продолжение.
