Минатата недела најновиот ровер од NASA, наречен Perseverance, успешно слета на Марс после седум месечен пат до црвената планета. Мисијата на Perseverance ќе биде да бара знаци за некогашно постоење на живот на оваа планета, а истата ќе започне после неколку денови на тестирање на функционалноста на системите на роверот.
Со роверот исто така доаѓа и дрон наречен Ingenuity, но тој ќе почне да лета дури за неколку месеци.
NASA ги објави и првите слики од и по слетувањето на Perseverance, а се најавува и видео кое уште се „прикачува“ од Марс до Земјата. На видеото ќе може да се види целиот процес на слетување, кој овој пат беше поразличен од минатите мисии и вклучуваше посебно летало на кое роверот беше закачен.
Сликите вклучуваат поглед од орбитата на Марс за време на слетувањето, извадок од видеото при слетувањето, како и две слики во боја и висока резолуција од самиот ровер.