За коронавирусот не треба многу да пишуваме, со оглед на тоа што во денешно време вакви информации се шират и повеќе од доволно. Овој вирус е меѓу најважните вести овие неколку недели, а истиот се појави во Кина и моментално најголемиот процент од заболените се во таа земја.
The Center for Systems Science and Engineering креира алатка која овозможува да во реално време се следат информациите за ширењето и статусот на овој вирус секаде во светот. Прикажани се бројки на сите потврдени случаеви на заболени лица, тие се поделени и по земја, а бројките покажуваат и бројка на луѓе за кои се сомнева дека го имаат вирусот, тие кои се имаат излечено, како и тие кои починале.
Од тоа што моментално може да се види, вирусот уште не е проширен во Европа, како и во нашата околина. Случајот во Франција, односно тројца луѓе во оваа земја, остануваат единствените во нашата блиска околина.
Алатката е достапна на овој линк и можете да бидете во тек со ширењето на вирусот, кое се надеваме дека ќе застане наскоро.
Инаку, првиот случај на вирусот, кој има симптоми слични на пневмонија, е појавен во градот Вухан во Кина. Првите случаеви се верува дека се имаат појавено кај луѓе кои работат на фарми, па од тука е и верувањето дека вирусот е пренесен од некое животно.
Досега се потврдени вкупно 2.794 случаеви, од кои 2.737 во Кина. Од вкупната бројка на заболени, 80 се починати, додека 54 се целосно оздравени.