Microsoft се приклучува на големите компании кои во главно имаат дел кој работи на истражување поврзано со Вештачката Интелигенција. Тие тоа ќе го направат преку инвестирање на 1 милијарда долари во OpenAI, која почна како непрофитна организација.
Со инвестирањето во оваа компанија Microsoft ќе ги понуди и своите Azure сервери чија процесирачка моќ може да се користи за истражувањата на кои работат од OpenAI. Од друга страна тие ќе можат да ги користат развиените технологии од страна на оваа организација за развој на сервисите во Azure.
Она по што е позната OpenAI е што еден од основачите на организацијата е Елон Маск. Оваа организација се обидува да развие Вештачка Општа Интелигенција, која на кратко може да се опише како интелигенција како таа на човекот.
Тоа би значело дека вештачката интелигенција ќе може самата да учи и да напредува од сопственото искуство и тоа да го пренесува како способност во повеќе области.
Сепак, ова ниво на вештачка интелигенција нема консензус дека воопшто може да се постигне. Предвидувањата тврдат дека најрано кога тоа би можело да биде постигнато е во 2099 година, но може да се најдат повеќе анализи на оваа тема.