Што ако одеднаш, од необјаснива причина, процесот на еволуција се хипер-забрза? Наместо еволуција на човекот од илјадници години, постепено прилагодувајќи се на нашата средина, да почнеме да се менуваме со рапидна брзина? Која би била следната фаза од нашиот развој? И зошто се менуваме рапидно (или пак, кој не менува без да забележиме)? Интересен концепт.

Evolution (Image) е нов хорор стрип кој приказната ја сместува во овој „сетинг“. Авторите James Amush, Joseph Keatinge, Christopher Sebela и Joshua Williamson (Ј. Infurnari, J. Boyd цртачи), сите фанови на различен тип на хорор, истражуваат посебен аспект од истата приказна. Затоа и впрочем приказната следи неколку карактери – калуѓерка, доктор и девојка чии починати родители поседуваат илјадници филмови за кои чуден интерес покажува маалски постар богаташ – кои забележуваат појавување на монструозни деформации/мутации кај одредени луѓе, но се чини како останатите да не го гледаат истото. Постои нешто чудно и језиво во целата приказна, но е суптилно, незабележливо за останатите. Можно е да не сме свесни за како се менуваме, макар и промените да се радикални? Затоа и впрочем еден од главните ликови, Доктор Ли, го сметаат за луд теоретичар на глобални заговори. Впрочем, ова делумно го збунува и самиот читател. Не сме сигурни баш што се случува, ниту пак дали воопшто не е се во главата на неколку ликови. А да, стандардно, имаме и чуден мрачен култ (Praegressus) кој го повикува или обожува што и да е тоа што ги мутира/обзема луѓето.

На страна приказната, цртежите на Joe Infurnari и Boyd наликуваат на нацрти, но и те како ја доловуваат „мрачноста“ на самата идеја за наметната/забрзана еволуција која го мутира човекот на начин кој воопшто не е ни лесно да се опише.

Оценка од Geekedoutnation: 8.3/10, што е одлично и од аспект на приказна и од аспект на art. Првиот број е издаден на  15 ноември, 2017 и првиот „volume“ содржи 6 броја. За фанови на Lovecraft, body horror и генерално end-of-the-world „сетинг“ на хорори, Evolution е добра препорака.

Претходна статијаInstagram подготвува нови кул функционалности?
Следна статијаПроширувањето на Wizz Air во Европа достигна нов рекорд

Оставете коментар

This site uses Akismet to reduce spam. Learn how your comment data is processed.