За четвртото продолжение од познатиот The Matrix знаеме уште од 2019 година кога филмот беше најавен дека ќе се прикажува во мај оваа година. Досега скоро ништо не се знаеше за филмот, кој сепак ќе се прикажува од 22ри декември, а тоа се промени од CinemaCon 2021.
На овој настан од Warner Bros. го објавија официјалното име на продолжението, а на присутните им прикажа и кратка снимка од филмот.
Името на четвртиот дел од The Matrix ќе биде Resurrections, односно The Matrix: Resurrections. Филмот ќе почне да се прикажува во кината од 22ри декември, како и на HBO MAX, што значи дека можно е да го има и кај нас преку HBO GO.
Од присутните на CinemaCon 2021 ги имаме и информациите за прикажаното видео кое за жал не е достапно онлајн.
Според видеото, Neo повторно се враќа во матрицата и се случуваат дел од работите како во првиот дел. Сцената започнала со тоа како Neo, односно Thomas разговара со психолог кој го глуми познатиот Нил Патрик Харис.
На снимката е потврдено и враќањето на ликот Тринити, а ќе има и неколку нови карактери кои ќе ги заменат тие кои нема да ги има од претходните делови на филмот.