Xiaomi оваа недела официјално го претстави својот прв за оваа година Mi модел од највисоката класа, Mi 9. Со овој модел од компанијата продолжуваат да претставуваат одлични и конкурентни уреди, за цена значително пониска од конкурентите.

Xiaomi Mi 9 доаѓа со заоблен дизајн и бои кои се прелеваат. Екранот е направен од страна на Samsung, е со AMOLED технологија, па може да се очекува одличен квалитет.

Големината на екранот, кој доаѓа со мал исечок на горната страна само за камерата, е 6,39 инчи и има Full HD+ резолуција. Долната рамка е исто така значително намалена, па овој телефон е скоро целиот екран на предната страна.

Под екранот исто така се наоѓа сензор за отпечатоци кој од Xiaomi истакнуваат дека го отклучува телефонот 25% побрзо од претходната генерација.

Xiaomi Mi 9 се истакнува и со трите камери на задната страна со резолуција од 48, 16 и 12 мегапиксели. Главната камера е тука за сликање на слики со огромна резолуција, додека другите две ќе се погрижат за сликање на широки слики, како и ефекти со позадината. Предната камера е со 20 мегапиксели.

Овој телефон исто така се истакнува со тоа што работи на најновото од Qualcomm, Snapdragon 855. Овој чипсет е направен во 7nm технологија, што значи дека треба да овозможи добри перформанси со подобрена потрочувачка.

Батеријата на Mi 9 е со капацитет од 3.300 mAh, а се полни со најновата технологија за брзо полнење, како и со 20W брзо безжично полнење.

Mi 9 доаѓа со две дополнителни варијанти, едната со транспарентна позадина и 12 GB RAM меморија, како и втора со помал 5,99 инчен екран.

Сите детали за овој нов телефон од Xiaomi можете да ги најдете на официјалната страна од компанијата на овој линк.

Оставете коментар

This site uses Akismet to reduce spam. Learn how your comment data is processed.