Темните теми кај оперативните системи и апликациите се популарни веќе доста време. Сите оперативни системи нудат можност за вклучување на ваква тема, а и повеќето популарни апликации го нудат истото.

Наредниот логичен чекор е темните теми да станат дел и од веб страните, па кога се околу нив е во темна нијанса, да се прилагодат и тие. Останува малку чудно за очите кога веб страните остануваат во својата светла верзија, а се околу е затеменето.

Главната страна на Google за пребарување изгледа ќе се прилагоди на овој тренд, па од компанијата тестираат автоматски вклучување на темна тема за страната, кога корисникот ќе ја посети со вклучена темна тема на неговиот оперативен систем.

Како што може да се види од насловната слика, позадината на страната е темно сива боја, а логото и текстот се бели. Истото се случува и при прикажувањето на резултатите од пребарувањето, па љубителите на ваквиот изглед на корисничкиот интерфејс, сигурно ќе бидат задоволни, како и очите посебно во ноќните часови.

Не е познато кога точно Google планира да ја официјализира оваа новина на нивната страна, па сега за сега таа останува само во тест форма која се појавува кај одреден број на корисници.

Оставете коментар

This site uses Akismet to reduce spam. Learn how your comment data is processed.