Apple Vision Pro уредот останува не баш успешен производ, но доста добар показател за технологијата која се способни да ја развијат од компанијата. Уредот засега е доста скап, а батеријата која е посебно поврзана и треба да се носи во џебот, на пример, трае само неколку часа, па јасно е дека некоја идна верзија ќе биде доста поуспешна.
Vision Pro во текот на вчерашниот ден, заедно со новите MacBook Pro и iPad Pro верзии, доби надградба со новиот М5 чип.
Од компанијата најавија дека уредот добива и ново, поудобно ремче, но во главно повеќето новини доаѓаат поради новата верзија од системот, visionOS 26.
Батеријата сега треба да трае нешто повеќе, во главно и поради новиот и поефикасен М5 чип, но Vision Pro повторно може да издржи околу 2 до 3 часа користење, што го остава во категоријата на концепт производ, наместо навистина користен и практичен.
Со вградувањето на М5 чипот, корисниците добиваат подобрување на перформансите, а со тоа и подобра работа на сите делови од уредот, како и доста подобра графика.
