За време на Moscow Chess Open шаховскиот натпревар, кој се одржуваше од 19 до 21 јули, во партија помеѓу дете и робот, роботот го скрши прстот на детето. Случајот може да се види во видеото подолу во статијата, а детето за среќа е во ред, односно поставен му е „гипс“ на прстот и се очекува дека без проблеми ќе заздрави.
Според информациите од потпретседателот на Руската Шаховска Федерација, случајот е несреќа и до неа дошло поради тоа што детето се обидело да направи потег пред роботот целосно да го заврши неговиот, односно не чекало доволно време.
Ова е првпат да се случи нешто ваков со роботот кој учествувал на повеќе натпревари изминатите 16 години. Иако се признава дека тоа што се има случено не е во ред, сепак се прават обиди да не дојде до тужби, а случајот да се препише едноставно на непочитување на процедурите за интеракција со роботот.
Објавата на Twitter каде може да се види видеото е споделена и со Елон Маск, алудирајќи на тоа дека роботите стануваат свесни и треба да сме загрижени. Ова секако не е таков случај, но сепак привлекува внимание и треба да се истражи подобро зошто работата има отидено до ова ниво.
