Потребата за енергија во ова време на технологија е голема, а истата ќе продолжи да се зголемува. Проблемот со начинот на кој што се произведува енергијата е загадувањето на околината, како и ризикот од хаварии кај нуклеарните централи. Затоа веќе одамна постепено се истражуваат, а и се користат алтернативни извори на енергија, која што е чиста, односно не ја загадува околината, а и е обновлива, што значи не зависи од ресурси на земјата кои што се ограничени. Сигурно на повеќето од вас ви се познати колекторите на соларна енергија, како и турбините кои што произведуваат енергија со користење на ветровите или од реките и вештачките езера.
Меѓутоа група на истражувачи кои што работат на овој проблем, сметаат дека има уште начини кои што можат да се користат за производство на обновлива и чиста енергија, кои што се поефикасни и константни. Во овој случај се работи за искористување на подводните струи кои што се константни во океаните. Системот би работел со поставување на турбини на дното од океанот, по што од океанските струи тие би се вртеле и со тоа би генерирале енергија која што би била пренесувана до потребните места. Турбините се направени да се вртат со мала брзина со цел опасноста од повредување на подводниот свет биде сведена на минимум. Истражувачите истакнуваат дека не влијанието на животната средина претставува важен фактор во нивното истражување.
Турбините се направени од три дела на кои што се поставени крила наменети да се отвораат или затвораат зависно на моменталната положба на турбината. Кога турбината се движи во спротивен правец на океанската струја крилата се отвораат за полесно вртење.
Извор: Live Science
