Gboard на Android наскоро ќе добие, веќе е во тест фаза, вградена можност за пополнување на лозинките кои се зачувани со Google Password Manager, односно во Google сметката на корисникот.
Ова треба да овозможи посигурно пополнување за кое не ретко се случува да не биде препознаена потребата од „autofill“ активност. Ова е нешто што на Android сѐ уште не е решено како на iOS, па директното вградување во Gboard ќе донесе голема предност.
Autofill with Google е наречена новата функција и истата ќе може да се активира штом ќе стане дел од некоја од наредните верзии од Gboard.
Со оглед на тоа што не сите корисници ја користат тастатурата од Google, не сите ќе можат да ја искористат оваа предност.
Сепак, од мое искуство, користењето на некоја од алтернативните апликации за чување лозинки, како Bitwarden, одлично функционира, па за корисниците на Samsung Keyboard или SwiftKey, оваа новина сигурно нема да вреди за промена на тастатурата.
