Brave, кои целиот бизнис го градат на основа на приватноста која им ја овозможуваат на своите корисници, ја доби можноста за блокирање на една од најлошите функции кај Windows 11 кога е во прашање приватноста.
Функцијата е наречена Microsoft Recall, a Brave прелистувачот ќе ја блокира автоматски, со можност корисниците да го исклучат блокирањето доколку сакаат.
Recall е една од главните новини кои Microsoft ги најави со претставувањето на Copilot+ компјутерите кои доаѓаат со интеграција на повеќе функции со вештачка интелигенција.
Оваа функција конкретно прави слика од екранот на неколку секунди, па на корисникот му овозможува да се врати во било кое време назад и да види на што има работено.
Не сум сигурен дека една ваква функција е навистина потребна и корисна, а посебно поради безбедносните одлуки кои Microsoft ги донесе на почетокот.
Блокирањето на функцијата Brave го прави преку означување на сите „табови“ како приватни, нешто што Recall го зема во предвид и не прави слики од екранот во таков случај.
Иако и Brave не се без свои „афери“ поврзани со тврдењето за приватност, сепак тие продолжуваат да овозможуваат доста вакви функции и го задржуваат угледот на најприватен прелистувач на пазарот.
