Xor преку Engadget

Vertu е бренд којшто престана да функционира пред околу 3 години, а беше познат по тоа што правеше луксузни верзии од одредени телефони, а најчесто од Nokia, под чија сопственост и беше.

Дел од вработените во Vertu, сега повторно креираат нов бренд за луксузни телефони, поради наводната побарувачка која ја имале од одредени стари клиенти. Новиот бренд е наречен Xor, а ко-основач е еден од одговорните за дизајн на Vertu телефоните, работа која и сега е негова одговорност.

Првиот телефон кој Xor ќе го понуди на пазарот е Xor Titanium, а од името може веднаш да се претпостави материјалот од кој е изработен овој телефон. Цената секако ќе биде во категоријата на луксузни производи, па ќе достигне скоро 4.000 долари. Јасно е за кои клиенти е наменет овој бренд.

Покрај луксузната изработка, телефонот, може да се види и од сликата, е направен како телефоните пред паметните, односно нема екран на допир, нема Android, а се што нуди во главно е повици и SMS пораки.

Додатно, телефонот овозможува целосно шифрирана комуникација доколку и двете страни го имаат Xor Titanium. Интересно, телефонот вклучува и монитор за квалитетот на воздухот.

Интересно ќе биде да видиме дали вакви телефони имаат место на пазарот, односно дали новиот Xor бренд ќе опстои повеќе години и во кој правец ќе се движи во иднина.

ИЗВОРEngadget
Претходна статијаМакедонски Телеком воведе поддршка за RCS системот на Google
Следна статијаМакпетрол: Дали треба да се плашиме да пријавиме конфликт на интереси?
Својот интерес во областа на паметната технологија го развива одамна како хоби кое што прераснува во нешто повеќе, па резултатот на тоа е и развојот на овој портал. Сака да ги следи сите новини поврзани со оперативните системи, апликациите, мобилните телефони, но и интересните научни и вселенски истражувања.