Може звучи малку чудно дека Samsung планира да претстави „lite“ верзија од нивниот Galaxy S10 на скоро една година од претставувањето на серијата. Сепак, досега неколку пати можеше да се прочита оваа информација, па сега изгледа има и потврда од Samsung.

Од компанијата имаат поднесено документација која содржи слики од „About phone“ делот на уредот. Од тие слики, доколку се навистина тие поднесени од страна на Samsung, се гледа дека уредот го носи името Galaxy S10 Lite.

Тоа што ја прави чудна целата работа со овој телефон е што S10 телефоните веќе имаат верзија која, иако не е така наречена, се сметаше за лајт верзијата. Galaxy S10e е третиот модел кој беше претставен заедно со другите S10-ки и според карактеристиките и цената тој дефинитивно ја пополни позицијата за лајт модел, само со друго име.

Уште почудно е што најавите се дека Samsung најверојатно ќе ја претстави лајт верзијата од S10, дури по претставувањето на S11 телефоните, кои се очекува да бидат претставени во февруари.

SamMobile

Инаку, според неофицијалните информации, Galaxy S10 Lite треба да работи на Snapdragon 855, да има 8GB RAM меморија, како и 128GB простор за податоци. На задната страна би имал три камери, а екранот би бил со големина од 6,7 инчи и Full HD+ резолуција. Со оглед на тоа што годината скоро е готова и се очекува овој модел да биде претставен идната, тој сигурно би работел на Android 10 и One UI 2.

Оставете коментар

This site uses Akismet to reduce spam. Learn how your comment data is processed.