Како што е веќе одамна нормално, настаните за претставување на телефони од производителите се тука само за да ни ги потврдат неофицијалните информации, барем за нас што редовно ги читаме. Повеќето информации, слики и на крај и видеа, се објавуваат од познатите „протекувачи“ на информации, па конечно го имаме и првото видео од Note20 Ultra.
Видеото, кое можете да го погледнете на почетокот од оваа статија, доаѓа од YouTube каналот „Jimmy is Promo“, а истото целосно го прикажува изгледот на овој телефон.
Покрај тоа, може да се видат и верзијата на софтверот, ознаката на телефонот, како и уште неколку информации.
Погледнете го видеото, па кажете што мислите за новиот Samsung Galaxy Note20 Ultra, кој треба да биде еден од три модели кои ќе ги претстави Samsung.
Инаку, настанот на којшто ќе бидат претставени Note20 телефоните е официјално закажан за 5-ти август, со почеток од 16:00 часот по македонско време и оваа година од познати причини ќе се одржи само онлајн.