8-ми март е датата на која ќе биде претставена наредната генерација од OnePlus телефоните. Најавата доаѓа од основачот на компанијата Пит Лау во форма на слика, која ја има и на посебна страна. Сликата е од Земјата направена од Месечината, па според некои ова треба да асоцира на нешто поврзано со камерите кај телефоните.
Според неофицијалните информации, треба да очекуваме три нови модели, како што е веќе стандардно кај повеќето производители за највисоката класа на уреди. Трите модели би биле OnePlus 9, OnePlus 9 Pro и „лајт“ верзија која ќе го има името OnePlus 9R или 9 lite.
OnePlus е еден од најпознатите кинески производители на смартфони и други паметни уреди кој има своја верна група на фанови. Нивните телефони се карактеризираат со одлични карактеристики со најновите достапни компоненти, уникатни делови, а прилично достапни цени.
Како што може да се види, најавата не кажува скоро ништо, па можеме само да претпоставуваме на што точно се мисли. Единствено што е сигурно е дека за една недела ќе го видиме најновото од оваа одлична компанија.
