iPhone 6 кој што се очекува да биде претставен идниот месец, поточно на 9-ти Септември, според сите информации повторно ќе вклучува две посебни верзии, односно една главна и една помала и поевтина верзија. За оваа верзија од овој уред се очекува конечно да се приклучи на трендот на поголеми екрани со претставување на 4,7 и/или 5,5 инчен екран. Наредната верзија од iPhone исто така ќе работи на најновата верзија од мобилниот оперативен систем од компанијата, iOS 8, која што моментално е во бета верзија и ќе биде достапна за корисниците од оваа есен.
Денеска повторно се достапни слики за кои што се верува дека се од iPhone 6, а доаѓаат од порталот TMZ. Телефонот наводно е прошверцуван од кинеската фабрика Foxcon каде што се произведува дел од уредите, од страна на поранешен нивни вработен. Од сликите може да се види дека се работи за поголем уред од моменталниот, а исто така вклучен е и нов сензор на прдната страна за кој што нема информации за што се работи. Исто така според информациите до кои што имаат дојдено од TMZ, уредот треба да биде и полесен од моменталната верзија.
Во продолжение можете да ги погледнете сликите и самите да оцените дали се работи за вистински слики од iPhone 6 или се работи само за некој кој што сака да добие внимание од оваа популарна тема.
