Negri Electronics е продавница за отклучени телефони во САД и истата на својата страна го направи достапен за резервирање веќе толку очекуваниот Nexus 5. Доколку тоа што е објавено може да се смета како точно, сите претпоставки и гласини се во главно точни и единствено што останува е конечното закажување на настанот да биде официјално.
Според оваа продавница за мобилни наредниот Nexus ќе има 4,95 инчен екран со Full HD резолуција. Quad-core 2.3 GHz Snapdragon 800 процесор, камера со 8 мегапиксели со оптички стабилизатор на сликата, 16GB/32GB надворешна меморија, 2 GB RAM меморија, 3G, HSPA+ и LTE поддршка, како и 2300mAh батерија. Се разбира и најновиот Android OS 4.4 (KitKat) кој што треба да биде исто така првпат претставен.
Официјалната дата за настанот кога треба да биде претставен новиот Nexus 5 заедно со новата верзија на Android 4.4 KitKat веќе подолг период е предмет на шпекулации кои до сега не успеаја да бидат во право.
