v-mlinsangan_160211_0933_0013.0

Првиот паметен телефон на HP после подолго време ќе има Windows 10 Mobile со Continuum можност, супериорни перформанси, прилично висока цена и ќе биде наменет пред сѐ за бизнис корисниците. За жал, барем во почеток, нема да биде достапен кај нас.

Да потсетиме, се работи за уред со високи перформанси – 6 инчен AMOLED дисплеј со Quad HD резолуција, Snapdragon 820 чип, 4 GB рам меморија, 64 GB простор со micro SD слот, задна камера со 16 мегапиксели, предна со 8 мегапиксели, квалитетно Bang & Olufsen аудио, IP67 отпорност на вода, „војнички 810G стандард за отпорност на падови од 4 метри висина и батерија со капацитет од 4.150 mAh.

hp-elite-x3-skeu-e1456035991202

Но, многумина веќе се прашуваат зошто HP се одлучи на Windows 10 Mobile? Одговорот е едноставен – Continuum. Со оваа можност, бизнис корисниците ќе можат да го користат својот телефон како целосен Windows 10 компјутер, а HP најави дека наскоро дури ќе има можност и за користење на класичните Windows програми преку “Cloud” решение. За Elite X3 е достапна и лаптоп школка – треба само да ја поврзете со телефонот и таа ќе се претвори во функционален Windows 10 лаптоп.

HP_Mobile_Extender_Folio_Elite_x3_promo

Сепак, цената од 699 долари се чини како висока за Windows 10 Mobile уред, иако е реално многу пониска од iPhone 6S Plus или Galaxy Note 6 на пример. Телефонот ќе биде достапен во сите земји од ЕУ, но не и кај нас. Сепак, еве надеж дека HP ќе го понуди како паметно решение и во нашите компании, односно како можност вљубениците во Windows 10 Mobile оперативниот систем да купат телефон со која навистина ќе може да се гордеат.

Извор: Windows Central, Engadget, GSMArena

Претходна статијаSoftBank ја купи ARM за 32 милијарди долари
Следна статијаWIZZ AIR со нова линија од Хановер до Скопје

Оставете коментар

This site uses Akismet to reduce spam. Learn how your comment data is processed.