Поминати се три години од претставувањето на Windows 11, но оваа верзија од Windows не е главната кога е во прашање пазарниот удел. Голем дел во тоа има и ограничувањето кое Microsoft го постави за процесорот на компјутерот, но не е само тоа проблемот.
Windows 11 во мај дури забележа пад на пазарниот удел кој беше пренесен кај Windows 10, а трендот на користење на постарата верзија е доста популарен. Windows 11 во мај падна на 26% од Windows компјутерите, додека Windows 10 се искачи на скоро 70%.
Статистиките обично доаѓаат од познатата Statcounter, па најновите повторно од истиот извор покажуваат подобрување на позицијата на Windows 11.
Во јуни, Windows 11 има стигнато до скоро 30% пазарен удел, поточно 29,71%. Со тоа очекувано Windows 10 има пад на уделот, па оваа верзија сега ја користат 66,1% од Windows корисниците.
Интересно е што Windows 7 го користат 2,95%, а има и 0,39% корисници на Windows XP.
Во периодот што следи мислам дека може да се очекува да продолжи растот на пазарниот удел на Windows 11. Причините за тоа се во новите Copilot+ компјутери со вештачка интелигенција и новите и доста подобрени Snapdragon X чипови.
Корисниците на Windows страната конечно имаат одлична алтернатива на MacBook компјутерите, па заедно со ВИ, ќе има доста причини за купување на нов компјутер.
На тоа треба да се додаде и истекот на поддршката за Windows 10, а корисниците имаат уште година и нешто да се тргнат од овој систем.
