„Сокриена“ во Dev каналот од Windows 11 Preview нова функција се подготвува да стане дел прво од тест верзиите од системот, па подоцна од финалните. Се работи за многу мала функција, но една од тие кои се чудиме зошто Microsoft ја нема имплементирано уште од почеток поради нејзината корисност.
Се работи за можноста да се додаде процентот на батеријата до иконата во долната лента од системот. Иконата ја покажува состојбата на батеријата, но корисниците треба да проценат од степенот на тоа колку е „намалена“ иконата, а доколку сакаат да го видат точниот процент мора да поминат со глувчето врз истата или да користат некоја апликација за истото.
Сега Windows 11 ќе ја добие оваа можност како дел од системот, па корисниците ќе можат да изберат дали сакаат да се покажува процентот до иконата преку Settings.
Повеќето други системи кои ги имам користено ја имаат оваа можност, па мора да се каже дека ова е типично за Microsoft да доцни со една ваква корисна ситница.
