Корисниците на уреди со Windows Phone, а посебно тие кои што веќе одреден период го користат Windows 10 преку Insider програмата, се прашуваат кога конечно ќе биде пуштена финалната верзија од оперативниот систем.
Вчера беа презентирани новите „знаменосци“ од компанијата, кои што треба да ја вратат до некаде популарноста на платформата. Тие работат на Windows 10 и ќе бидат достапни со овој оперативен систем од самиот почеток, некаде во ноември кога ќе станат достапни за купување.
Сепак, изостана информацијата за кога може да се очекува финалната верзија од оперативниот систем, па заедно со не пуштањето на нов build од тест верзијата, корисниците останаа да чекаат повеќе информации.
Ова прашање беше поставено на официјалниот Facebook профил на Microsoft Lumia, па конечно е даден конкретен одговор.
Финалната верзија на Windows 10 за мобилните ќе биде достапна од декември. Поточна дата не е дадена, меѓутоа и не е потребна. Со оваа информација конечно се добива претстава кога овој оперативен систем кој што е во развој со помош на корисниците, ќе биде завршен.
Како корисник на тест верзија од Windows 10, можам да кажам дека декември е очекуван како месец кога може да се очекува финализирање на развојот. Системот е доста подобрен од постарите тест верзии, меѓутоа од најновата верзија може да се види дека има уште за работа, односно повеќе од неколку недели и месец дена.
Еве го и одговорот од официјалниот профил на Microsoft Lumia:
Windows 10 е достапен на PC и таблет компјутерите сега и иако Lumia 950 и Lumia 950 XL ќе дојдат со Windows 10 за телефоните, пошироката достапноста на Windows 10 на другите уреди, вклучувајќи ги мобилните телефони, ќе почне од декември.
Се разбира, не сите уреди ќе бидат компатибилни со надградбата, а посебно тие од другите производители. Како се ближи декември, ќе има и повеќе информации за тоа кои уреди ќе можат да очекуваат да работат на Windows 10.
Извор: Windows Central, Thurrott
