Иако Microsoft скоро ништо официјално не потврди, сепак информациите кои што доаѓаат од одредени портали потврдуваат дека најавениот и очекуван Cortana личен асистент ќе биде претставен во пролетната надградба на Windows Phone 8.1. Cortana треба да претставува Windows верзија од Siri и Google Now и да им овозможи на корисниците да ги користат можностите што ги нуди една ваква функција која што корисниците на Androdi и iOS веќе одреден период ја имаат.
Cortana ќе вклучува функции видени во другите два асистенти, односно ќе овозможува предлагање на работи на корисникот, давање информации на корисникот врз основа на email комуникацијата што ја има и слично. Cortana информациите што ги собира ќе ги чува во notebook, како што ја нарекуваат функцијата и истата ќе нуди можност за избор од страна на корисникот за типот на информации до кои што би имала пристап. Овој сервис ќе биде поддржан за информациите кои што ќе ги дава од Bing и Foursquare, како и други сервиси.
Како што е возможно со Siri, корисниците на Cortana ќе може да и кажат како да им се обраќа, односно дали по нивното име или било кое друго име кое што ќе го изберат корисниците. Исто така според информациите, Cortana иако своето име го зима од истоимениот карактер од играта Halo, на Windows Phone таа ќе биде претставена преку анимирана икона во форма на круг, наместо како анимирана личност, нешто што до сега беше очекувано.
Извор и слики: The Verge
