Верзиите на оперативните системи од Apple моментално се бројки кои го означуваат редоследот на претставување, па така оваа година на ред доаѓаат iOS 19, iPadOS 19, macOS 16, watchOS 12, tvOS 19, како и visionOS 2.
Според извори на Марк Гурман, од компанијата планираат промена на овој начин на „броење“ на верзијата, па од оваа година бројката која ќе стои ќе биде врз основа на годината.
Наместо iOS 19, Apple наводно оваа година ќе го претстави iOS 26, бројка која ја означува годината, односно поголемиот број на месеци во кој ќе функционира оваа верзија.
Соодветно на ова, останатите системи ќе бидат наречени iPadOS 26, macOS 26, watchOS 26, tvOS 26 и visionOS 26.
Целта на оваа промена наводно е унифицирање на сите системи, па корисниците веќе нема да мора да се мислат која верзија е актуелна, која ја користат и која доаѓа на ред.
Дека од компанијата размислуваат за дополнително унифицирање на корисничкото искуство говорат и гласините кои излегуваат овие месеци, а кои тврдат дека Apple ќе претстави поголем редизајн на сите системи. Една од новините со редизајнот ќе биде и поголема унифицираност на системите, односно додавање повеќе сличности помеѓу нив, како на пример повеќе macOS функции на iPadOS.
