Microsoft минатата недела информира дека престанува со развојот на Android телефони и дека ќе се концентрира на развојот на нивната мобилна платформа Windows Phone. Исто така од овој месец корисниците конечно официјално ќе почнат да ја добиваат надградбата на Windows Phone 8.1, верзија со која што овој оперативен систем станува многу поконкурентен со другите достапни платформи. Останува само поголем број на програмери и компании да покажат интерес за развој на оваа платформа и може да се очекува поголем број на корисници.
Со цел да им помогне полесно и подобро да се запознаат со основните функции на оперативниот систем, Microsoft претстави посебна страна преку која што корисниците ќе можат да видат што се нуди оперативниот систем и како се прават одредени работи на него. Страната е едноставна и е составена од кратки видеа групирани по активности на кои што се прикажани начините достапни за нешто да направите на Windows Phone. Ова се разбира на е детално и целосно упатство за платформата, меѓутоа е доволно за да корисник кој што не користел Windows Phone добие основна претстава што може да очекува доколку се реши да користи уред со овој оперативен систем.
Извор: Nokia
