Со пуштањето на најновата тест верзија од Windows 11, Microsoft објави и листа со командите кои може да му се зададат на Copilot, а додаде и неколку нови кои не беа досега достапни.
Објавата на листата е корисна информација за корисниците и тие сега ќе знаат што се’ можат да направат со помош на вештачката интелигенција која се повеќе е интегрирана во нивниот компјутер.
На листата на досега достапни команди се можноста да се побара:
- Вклучување и исклучување на темната и светлата тема
- Вклучување на Bluetooth
- Вклучување на „do not disturb“
- Додавање на уред
- Правење слика од екранот
- Поврзување со друг монитор
- Промена на позадината
- Промена на звукот
- Вклучување на апликација
- Помош со истакнување кој дел од системот на функционира
- Поставување на прозор на одредена страна на екранот
- Започнување на Focus сесија
На оваа листа се додаваат нови команди кои на корисниците ќе им станат достапни во иднина, а тие вклучуваат можност да се побара:
- Достапни Wi-Fi мрежи
- Информација за системот или уред
- Информација за батеријата
- Да се „исчисти“ просторот за податоци
- Да се испразни „корпата“
- Да се вклучи режимот за заштеда на батеријата
- Да се прикажат апликациите кои се вклучуваат со компјутерот
- Да се прикаже IP адресата
- Информации за системот, уред или просторот за податоци.
- Да се вклучи нарација
- Да се отворат гласовните команди
- Да се вклучи „лупата“
- Да се промени големината на текст
- Да се вклучат титлови
- Да се вклучи режим со висок контраст
- Да се започне со гласовно куцање
Новите можности на Copilot изгледа ќе станат дел од наредната поголема надградба на Windows, за која дознавме дека сепак нема да биде наречена Windows 12.