Корисниците на навистина стари Android телефони, кои сепак се ретки, почнувајќи од 27ми септември, нема да можат да се најават на апликациите од Google од овие стари уреди. Се работи за уреди кои работат на Android верзијата 2 (Gingerbread), поточно најновата од тоа време, 2.3.7.
На сопствениците на овие уреди Google почна да им испраќа имејл известување со кое ги информира за ситуацијата и ги советува да го надградат својот уред доколку истото е можно. Доколку не е можно, најавувањето на овие апликации ќе биде можно само преку мобилниот веб прелистувач.
Функционирањето на апликациите ќе остане можно за корисниците на Android 3 и 4, односно понови.
Бројот на корисници на старата Android верзија е доста мал, сепак се работи за верзија постара од 10 години. Од Google истакнуваат дека причината за овој потег е заштита на приватноста на корисниците.
