Андромеда галаксијата е најблиската галаксија до нашата, односно до Млечниот пат, од групата на поголеми галаксии. Долго време сметано дека нашата галаксија е најголемата во групата наречена Локална група, која што е составена од околу 50 галаксии. Најновите истражувања покажуваат дека Андромеда сепак е најголемата со скоро дупло повеќе ѕвезди од Млечниот пат.
Според некои истражувања нашата галаксија и Андромеда ќе се судрат во далечната иднина и ќе креираат целосно нова галаксија која што ќе ги промени целосно постојните сончеви системи.
На 5-ти Јануари оваа година, NASA и ESA користејќи го познатиот Hubble телескоп, ја имаат направено до сега најголемата слика од Андромеда галаксијата. Истата е направена во резолуција од 69.536 x 22.230 пиксели, односно 15 милијарди пиксели, а фајлот од сликата е со големина од 4,3 GB.
Во видеото во продолжение можете да го видите разгледувањето на галаксијата преку оваа слика, што дава уникатен поглед на тоа како изгледаат тие од оваа далечина. Видеото беше презентирано од страна на Elon Musk преку Twitter каде што напиша: „Универзумот е навистина, навистина голем“.
The universe is really, really big https://t.co/4j3jvIaqpe
— Elon Musk (@elonmusk) January 20, 2015
