Сателитите од SpaceX на Елон Маск, Starlink, во ниската орбита на Земјата ги има повеќе илјади, а на корисниците им овозможуваат брз интернет пристап од било која локација.
Кинески научници развиле метод како да ги искористат овие сателити за да можат да откријат „невидливо“ летало, односно „стелт“ летало. Овие летала секако не се навистина невидливи, па поради материјалите кои се користат и нивната поставеност успеваат да бидат невидливи за радарските системи.
Начинот на којшто кинеските научници ги искористуваат сателитите од Starlnik е преку детектирање на пречките кои се појавуваат на електромагнетните бранови кои доаѓаат од нив кога некој објект поминува.
Со анализирање на овие пречки научниците успеваат да ја откријат и нивната точна локација со што успешно ја откриваат присутноста на некаков објект.
Тестирањата на системот биле направени со помош на DJI Phantom 4 Pro беспилотно летало, односно дрон кој е доста мал и не може да се открие од радарските системи.
Овој систем се’ уште е во фаза на развој и тестирање, па засега не се употребува, но јасно е дека во иднина може да се очекува употреба за воени цели и откривање на леталата како познатите F-22 и F-35.
