Денови на македонската фотографија

Рокот за прием на фотографии е 15.04.2021 година

Единствената асоцијација од областа на фотографијата – Фото сојузот на Македонија,  годинава прославува 75 години постоење на македонската фотографска сцена. Во рамките на своето работење Сојузот како носител на фотографската, визуелната и културната традиција на Македонија и оваа година го објави конкурсот за најстариот и најреномиран фотографски настан во нашата држава:  „Денови на македонска фотографија“.

На конкурсот може да земат учество професионални, но и фотографи аматери, преку кој ќе успеат да се претстават на пошироката македонска јавност. Како и до сега, фокусот ќе остане на  заокружената целина на фотографскиот процес или печатената форма (принтот).

Жирирањето на фотографиите кое ќе се одржи на 24ти април ќе биде составено од следните членови:  Др.Проф. Цветан Гавровски – Мајстор на фотографија на Фото сојузот на Македонија, Душан Доцевски – Кандидат мајстор на фотографија на Фото сојуз на Македонија и Мирослав Масин академски ликовен уметник.

Завршната манифестација, секако според соодветните протоколи за заштита и безбедност на сите учесници и посетители е планирана да се одржи во Охрид од 29ти мај до 1ви јуни на која освен проекции на фотографии ќе биде претставена и инстаграм фотографијата.

Рокот за прием на фотографии е 15.04.2021 година.

Пријавата и пропозициите можете да ги симнете овдe:

http://fotosojuz.mk/wp-content/uploads/2021/02/Propozicii-i-prijava-za-DMF-2021.pdf

Одговори на вашите прашања можете да добиете овде:

https://www.facebook.com/denovinamakedonskafotografija

Претходна статијаGfK: Еден од седум продадени смартфони во Европа имал 5G конекција
Следна статијаSpaceX го направи деветтото лансирање и слетување со истата Falcon 9 ракета

Оставете коментар

This site uses Akismet to reduce spam. Learn how your comment data is processed.