Елон Маск вчера преку Twitter најави дека планира да донира 100 милиони долари како наградата за најдобра технологија за собирање на јаглерод диоксид од атмосферата. Ова се смета за најголема донација од моментално најбогатиот човек во светот, нешто по кое сепак не е многу познат.
Како дополнителен „твит“ Маск истакнува дека повеќе детали за неговата најава ќе има идната недела, па останува тогаш да видиме што се може да се очекува.
Ова е одличен чекор од страна на сопственикот на компанијата која ги популаризира и ги направи „мајнстрим“ целосно електрични автомобили, нешто што ќе има долгорочен ефект кон подобрувањето на начинот на кој ја третираме околината. Секако, ова е само еден фактор од повеќе, но свеста се повеќе се зголемува кај луѓето и властите.
Додека повеќето автомобили, како и другите извори на јаглерод диоксид, се заменат со нови и еколошки алтернативи, собирањето на испуштената количина од гасот е еден начин на забавување на штетата која се прави.
Очекуваме да видиме идната недела каков план има Екон Маск.