Во еко-иницијативата на Македонски Телеком „Заедно за заштита на животната средина“ којашто почна во март годинава, собрани се над 4000 стари електронски уреди коишто соодветно ќе се рециклираат во партнерство со Нула Отпад.

Оваа акција, која сѐ уште трае, ќе придонесе за намалување на електронскиот отпад, но и за обнова на зелените површини. За секој вратен електронски уред во која било продавница на Телеком, компанијата ќе засади дрвца во регионите погодени од ланските пожари. Наесен, кога временските услови ќе бидат погодни, ќе бидат засадени 4000 или повеќе дрвца, во зависност од бројот на собрани електронски уреди.

Целта на иницијативата е заедничко делување со корисниците за заштита на животната средина – намалување на штетните влијанија и обнова на природните ресурси.

Оваа заложба е дел од глобалната иницијатива на Дојче Телеком #GreenMagenta којашто се спроведува во 10 земји во Европа. Целта е со заеднички сили да собереме и рециклираме 1 милион стари електронски уреди до 2024 година.

Претходна статијаФИТР: Нов јавен повик Стартапувај 4, преку кој се обезбедува 2 милиони евра поддршка за македонскиот стартап еко систем
Следна статијаWizz Air и Airbus потпишаа договор за авиони кои работат на водороден погон
0 0 votes
Article Rating
Subscribe
Notify of
guest

This site uses Akismet to reduce spam. Learn how your comment data is processed.

0 Comments
Inline Feedbacks
View all comments