Twitter направи редизајн на својата апликација за iOS и Android при крајот на минатата година, со што покрај другите промени воведе почист и светол дизајн, наместо претходниот кој што се состоеше од црна лента на горниот дел од интерфејсот. Следејќи го овој концепт и со цел да овозможи унифицирано искуство и изглед на Twitter на било која платформа, направен е редизајн и на главната веб страна. Истата сега наместо црната лента на горниот дел, е заменета со бела лента и сини делови, со истата боја како на мобилната апликација.
Претставуваме нов освежен Twitter.com кој го отсликува изгледот и чувството од нашите iOS и Android апликации.
Twitter има и официјална апликација за Windows Phone платформата, меѓутоа истата сеуште го нема добиено новиот кориснички интерфејс, но тоа не е ништо чудно со оглед на фактот дека оваа платформа сеуште се бори да ги стигне Android и iOS. Сепак не толку одамна Windows Phone верзијата го доби стариот дизајн што апликацијата на другите платформи го има одамна.
