Можеби некој од вас не ни знаат дека Facebook нуди можност вашето корисничко име да го користите како email адреса. Facebook прв пат го претстави својот email сервис во 2010. Од Facebook очекуваа дека поради нивната популарност, како и популарноста на сервисот за пораки, дека email сервисот ќе дојде како природен додаток и ќе стане исто така успешен и популарен. Корисниците добија можност да комуницираат со луѓе кои што немаат Facebook сметка од веќе за нив познатото место каде што испраќаат секојдневно пораки. За да може корисниците да им одговорат, корисничкото име стана и нивна email адреса, односно името што го имате избрано да се покажува после веб адресата на Facebook стана вашата @facebook.com email адреса.
Меѓутоа овој сервис никогаш не заживеа, односно корисниците не почнаа да го користат. Која е причината за тоа веќе не е важно затоа што Facebook реши да го исклучи сервисот. Како што и самите изјавуваат, повеќето од корисниците не ја користеа својата @facebook.com email адреса. За тие што сепак можеби го имаат користено овој сервис, сите email пораки добиени на нивната адреса ќе бидат препратени на главната email адреса со која што се имаат регистрирано на Facebook. Корисниците исто така ќе имаат можност да го исклучат пренасочувањето доколку не сакаат да добиваат пораки.
Извор: The Verge
