На својата f8 конференција, која што се одржа оваа недела, Facebook претстави нова рекламна платформа која што овозможува рекламирање надвор оваа социјална мрежа, односно нејзините веб страни и мобилни апликации. Тоа значи дека маркетарите ќе може да се рекламираат и на други мобилни апликации кои што не се направени од страна на Facebook и со тоа да го прошират својот опсег, како и таргет на корисници. Исто така ова претставува и олеснување за програмерите на апликации кои што нема да мора да интегрираат нивно рекламно решение и ќе може да го користат решението од Facebook.
Маркетарите кои што веќе ја користат рекламната мрежа на Facebook, не едноставен начин ќе може истата да ја прошират и на другите апликации. Достапни за нив ќе бидат истите статистики и информации, како и можностите за таргетирање достапни сега во мрежата на Facebook. Сликите и текстот кои што веќе се користат за рекламите на Facebook може да се искористат на Audience Network, односно на другите апликации без потреба од нивно прилагодување. На маркетарите, а со тоа и на програмерите ќе им бидат овозможени три позиции, односно формати за прикажување на рекламите. Рекламите може да бидат во форма на мал банер, на целиот екран од уредот и интегрирани како дел од апликацијата и нејзината содржина, односно native реклами.
Facebook Audience Network е се’ уште во тест фаза со ограничена бројка на програмери и апликации. Во почетокот рекламите кои што ќе може да бидат поставувани ќе бидат од типот кои што рекламираат одредени апликации и нудат можност за симнување. Подоцна се планира проширување и на другите маркетинг цели, покрај симнување на апликација.
Извор: Facebook
